10 POLIS A REENFORSA KPSM DURANTE ELECCION PARLAMENTARIO
September 23, 2024
Den e region di caribe tur e Cuerpo di Polisnan den Reino Hulandes ta traha cu otro riba un nivel.
Un paar di siman atras 10 polis di Cuerpo Policial Aruba a bay yuda den e parti operacional pa cu e eleccion na Sint Maarten. Un experiencia super bunita y valioso pero tambe tabata un sosten importante pa Cuerpo Policial Sint Maarten.
Durante e siman cu e polisnan a regresa Aruba bek alto commisario sr. Arnhem a organisa un almuerso pa asina gradici cada un polis cu a dicidi di a bay yuda reenforsa Cuerpo Policial Sint Maarten.
A pasa un momento ameno na unda e agentenan a intercambia locual nan a experencia. A hari y a come un dushi almuerso hunto .
Un danki na cada un colega pa nan esfuerso. Boso ta valioso pa nos Cuerpo.
