POLIS A HAYA CURSO SPECIALISA DI INTELIGENCIA
Macuarima, Santa Cruz: Recientemente tabata tin un curso specialisa di inteligencia pa miembronan di KPA cu a hiba e nomber di Open Source Intellegence “OSINT”. E curso aki a dura 1 siman y a wordo duna pa e prome grupo cu ta forma parti di e departamento di informacion.
E curso aki a wordo duna dor di Hulanda pa sra. S. van Meeteren specialista di RST. Un curso intensivo cu sigur un balor agrega pa hisa e nivel di e departamento pa e siguiente etapa y direccion cu Cuerpo Policial Aruba kier bay.
Den presencia di altocomisario di polis drs. Ramon Arnhem a haci entrega di certificado na tur miembro cu a forma parti di e curso aki cu exito.
Informacion ta un fuente importante cu Cuerpo Policial Aruba ta traha cu n’e y e curso specialisa aki ta duna e miembro di polis un avance den nan desaroyo y profesion.
