42 Multa reparti pa Motor Unit
Motorunit entre e anochi di diasabra pa diadomingo a tene controlnan ariba diferente parti di e isla.
A controla na diferente parti di e isla, entre otro ariba Watty Vos Boulevard, entre Codemsa pa Paperclip Rotonde, entre Ponton pa rotonde Bushiri/Madiki, entre Codemsa pa rotonde FCCA, ariba Green Corridor, entre Airport pa
Mahuma y Seroe Tijshi pa Drive Inn.
Na final di anochi 42 multa a wordo reparti pa surpasa e velocidad maximo di 80 kilometer pa ora. E velocidad mas halto registra tawata 2 auto cu a core 147 kilometer pa ora.
Controlnan di Motorunit lo sigi y ta purba di traha mas preventivo y visibel.
Nos ta recorda cu den e dianan di fiesta aki si bo tin pensa di bebe alcohol, busca un amigo pa maneha bo auto pa bo. Pasobra maneha bou influencia tin consecuencia.
![](https://kpa.aw/wp-content/uploads/2022/12/5b2cf110-c518-44af-93a3-ea8b32b696e2-576x1024.jpg)
![](https://kpa.aw/wp-content/uploads/2022/12/ebf29913-ca7b-4366-b724-003f53d4e5a3-576x1024.jpg)