Permiso

Tin diferente sorto di permiso cu ta ser duna door di Cuerpo Policial. Akinan nos ta pone e rekisitonan y e formulario pa bo por print y entrege na districto cu e evento lo tuma lugar. Tene bon na cuenta cu cada permiso tin su rekistona mara na dje. Percura pa entrega e formulario mas e documentonan dentro di 12 dia di trabao prome cu e actividad tuma lugar.

Rekisito pa permiso pa evenemento:

  • I.D. ( rijbewijs/paspoort/ cedula)
  • Papel di Camara di Comercio (KVK)
  • Statuto di e Organisacion (p.e. di sport etc )
  • Yena e peticion den e DISTRICTO cu evenemento lo tuma lugar
  • Stampia afl 4,-

Artista Internacional:

  • Comprobante di page di Departamento di Impuesto
  • Carta di Departamento DIMAS

Rekisito pa permiso pa campamento:

  • I.D. ( rijbewijs/paspoort/ cedula)
  • Yena e peticion den e DISTRICTO cu bo ta bay campa
  • Stampia afl 4,-

*Despues di e temporada di campamento mester bin cu un papel di precario duna door di departamento di D.I.P.

Rekisito pa permiso pa bendemento di klapchi:

  • I.D. ( rijbewijs/paspoort/ cedula)
  • Yena e peticion y entrege na warda di polis di Santa Cruz.
  • Papel di camara di comercio (KvK 1 luna valido)
  • Stampia afl 4,-
  • Si ta uza tereno di gobierno mester di un papel di precario di departamento di D.I.P.

*Si e sitio na unda e benta di klapchi lo tuma lugar no ta di e bendedor, e bendedor mester bin cu e i.d. di e doño di e sitio plus e papel cu ta indica cu e ta e doño.

VIDEO DI DEMONSTRACION

Scroll To Top
Sitemap | Privacy Policy