Bureau Slachtofferhulp
MISION
E mision di BSH ta pa brinda e miho servicio posibel na e victima(nan) y guia na e instancianan concerni pa ricibi ayudonan mas intenso. BSH ta brinda servicio di sosten emocional, guia huridico (schade) y servicionan practico.
SOSTEN
Bureau Slachtofferhulp ta un departamento den Cuerpo Policial di Aruba, e ta e unico departamento di asistencia di crisis na victima na Aruba, e meta di e departamento aki ta brinda yudansa y sosten na e victima(nan) of nan familiar of testigonan durante momentonan di crisis of problemanan social.
SERVICIO
Servicionan di BSH ta wordo brinda gratis na pueblo di Aruba, y ta accessibel via melding policial, melding di otro instancia of di iniciativa propio.
COORDINADOR DI BSH
E no ta un cara desconoci na Aruba pero e tin un carera excepcional y profesional. Cu diferente diploma reconoci na Aruba y internacional Sra. Janine Rodriguez ta e coordinadora di Bureau Slachtofferhulp.
Su persona ta coordina e departamento pa guia y duna sosten na e victima. Tanto como local pero turistanan tambe ta haya sosten di e departamento aki.
Bureau Slachtofferhulp por ta accesibel solamente pa meldingnan of via informacion nan di Polis.
Bureau Slachtofferhulp ta situa aki bou na Belgiestraat number 2 antes oficina di FCCA
