Cuerpo Policial Aruba ta resorta bao di Ministerio di Husticia. Polis ta e sosten y refugio di e cuidadanonan riba tur tereno. Esaki ta entre otro e parti di delitonan castigabel pa ley, como tambe e parti preventivo, trafico y e siguridad en general.
Cuerpo Policial cu orguyo ta carga e responsabilidad aki. Nos ta un organisacion serio cu ta traha cada dia pa e mehora nos organisacion na bienestar di cada cuidadano riba Pias Aruba.
Cuerpo Policial Aruba ta existi desde aña 1986 y ta conta awendia cu mas o menos 600 Polis trahando incansablemente pa brinda siguridad na nos pueblo. Ta trata aki di 375 hende homber, 104 hende muhe y 120 empleado administrativo, trahando den 4 districto, cu Warda nan di Polis situa na Oranjestad, San Nicolas, Noord y Santa Cruz.
Orguyosamente Cuerpo Policial Aruba ta conta cu hopi respet internacional, specialmente pa su unidadnan special manera “Motor Unit”, “K9 Unit”, “Arrestatie Team”, “Mobiele Eenheid”, “Duik Team” y “Helicopter Unit”, sin lubida e departamentonan conoci di patruya y recherche cu ta bon entrena y capaz pa investiga y soluciona e casonan mas complica.
Cuerpo Policial Aruba ta traha den cooperacion estrecho cu Cuerponan di Polis den Reino Hulandes manera Korps Politie Rotterdam Rijnmond, KLPD y RST, sin lubida otro partnernan internacional manera Interpol, DEA, FBI, RCMP, Force Protection Agency, ACCP y IACP.
Durante existencia di Cuerpo Policial Aruba for di aña 1986, Aruba a conoce diferente altocomisarionan di Polis. Awendia na aña 2023 nos altocomisario Sr. drs. Ramon I. Arnhem ta guiando e Cuerpo hoben di Cuerpo Policial Aruba
