45AÑA POLIS: HUMPHREY KOOLMAN ONDER INSPECTEUR EERSTE KLASSE
MACUARIMA, ARUBA: Cuerpo Policial Aruba ta para keto un rato y duna honor na Humprey KOOLMAN un persona recto, leal y dedica cu ta sirbiendo Pais Aruba pa mas cu 4 decada. Durante un ceremonia special a dedica un momento special na Sr. Koolman pero tambe a gradici Koolman su casa y famia pa e sosten brinda na dje cu awe e por a celebra 45 aña Polis.
Koolman ta conta su historia na momento cu ela drenta Cuerpo Policial Antiyas hulandes 45 aña pasa na aña 1979. Koolman kier a bira Polis pa e aventura y e movicion cu semper tabata tin algo di haci cu no tabata laaf mirando esaki cu polis tin hpi accion a motiva Koolman pa aplica y bira polis.
Inicio:
Koolman despues di a caba su estudio policial a cuminsa na traha na Warda di Polis Oranjestad pa tres aña mas o menos. Despues a sigui pa departamento di recherche na un edad relativamente hoben. Gran parti di su trayectoria policial tabata recherche. Koolman a forma parti di departamento di droga despues sigui pa inteligencia e tempo ey. E aventura di mas grandi pa Koolman tabata combati y investiga casonan di droga e tempo ey.
E impacto:
E impactonan mas grandi tabata investiga casonan grandi di droga, homicidio y of complica como tambe hiba e sospechosnan mesa berde. Locual ta mas satisfecho haciendo e trabou aki tabata e danki cu mi tabata haya di e victimanan. E sosten cu mi tabata haya di nan tabata e satisfaccion mas grandi den mi carera policial. Cu esaki tambe a motiva ami pa e Polis cu mi ta awe.
Motivacion:
Sigui crece no para keto, sigui bay dilanti tuma cursonan of sigui studio no para keto. Abo tin persona negativo rond di bo of bo ta wak cu e kring cu abo ta den dj eta negativo halanan un banda y sigui padilanti. No laga otro hende daña bo futuro tabata palabranan di Koolman pa nos hobenan.
Famia:
Mi famia ta mi gran sosten. Nan ta e pilar cu a y ta guiami durante 45aña largo. Mi casa ta mi sosten y sin dje mi no a logra yega leu. Dor di scucha di dje awe mi por ta orguyoso con leu mi a yega.
Mensahe:
KPA ta di nos tur, ora bo haya un reto tume, traha p’e y bo ta logra, crece y preservera. Cu positivismo y yuda bo comunidad bo ta yega leu den vida pero tambe bo carera policial.
Scroll To Top
