POLIS A CERTIFICA ROAD SERVICE PA DOCUMENTA ACCIDENTE
MACUARIMA, ARUBA: Den cuadro pa desaroyo, conocimento y mehoracion di servicio na comunidad a tuma lugar un curso pa dos compania di roadservice. For di 14 augustus 2023 te cu 18 september 2023, a presenta e curso di “Afhandeling Verkeersongevallen”, destina pa road service na Scol di Polis E.J. Watty Vos.
E curso aki tabata dedica na e personalnan di road service con a nan mester documenta un accidente. Pa asina tambe por brinda e comunidad un miho servicio abase di ley y reglanan di trafico.
E curso completo a wordo prepara y instrui pa specialistanan di Departamento di Trafico. E curso tabata ensera un seccion teoretico y un seccion practico, den cual tur participantenan a pasa un prueba na final cu exito.
Cu esaki participantenan a haña un mihor bista y instruccion con pa atende cu un accidente di trafico, manteniendo nan mes na locual cu nan a siña den e curso.
Despues di mas cu un luna di un curso intensivo tur participante a ricibi nan certificado concerni. Nos por bisa cu e road servicenan awor ta certifica pa tuma accidente di trafico pero tambe ta miho prepara con pa atende diferente scenario den trafico. Cuerpo Policial Aruba ta manda un pabien na tur participante di companianan di road service.
— NEDERLAND
MACUARIMA, ARUBA: In het kader van de ontwikkeling, kennis en verbetering van diensten aan de gemeenschap heeft een cursus plaatsgevonden voor twee road service bedrijven. Van 14 augustus 2023 tot 18 september 2023 werd de cursus “Afhandeling Verkeersongevallen” gegeven, gericht op road service bedrijven bij de E.J. Watty Vos Politie instituut.
Deze cursus was speciaal gericht op het personeel van road service bedrijven om hen te leren hoe ze een verkeersongeval moeten documenteren. Op deze manier kunnen ze de gemeenschap betere diensten verlenen in overeenstemming met de verkeerswetten en -regels.
De volledige cursus werd ontwikkeld en onderwezen door specialisten van het Verkeersdepartement. De cursus omvatte zowel theoretische als praktische sessies, waarbij alle deelnemers met succes een eindexamen aflegden.
Dankzij deze cursus hebben de deelnemers een beter inzicht gekregen en zijn ze opgeleid om adequaat om te gaan met verkeersongevallen, waarbij ze zich houden aan wat ze hebben geleerd tijdens de cursus.
Na meer dan een maand intensieve training hebben alle deelnemers hun certificaten ontvangen. We kunnen nu zeggen dat de road service bedrijven gecertificeerd zijn om verkeersongevallen af te handelen en bovendien beter voorbereid zijn om met verschillende verkeerssituaties om te gaan. Het Korps Politie Aruba feliciteert alle deelnemers van de road service bedrijven.
Scroll To Top
