A HABRI INSCRIPCION PA SOLICITA PA BIRA POLIS
MACUARIMA, ARUBA: Cuerpo Policial Aruba ta anuncia cu ta habri solicitud pa bira Polis. Trabao di polis ta un yamada di responsabilidad pa cu bo Pais. Bo ta un persona dinamico, responsabel y cu interes pa studia? Si bo contesta ta Si, solicita pa sirbi Bo Pais… Solicita Pa POLIS…
Entrante 27 februari 2024 te cu 14 maart 2024, for di 9 mainta te cu 2’or di atardi bo tin cu pasa personalmente na Scol di Polis E.J. Watty Vos situa na Fortheuvelstraat 25, San Nicolas pa por inscribi. Tene na cuenta cu riba e dianan cu por pasa cu ta diamars, diaranson y diahuebs.
Mester menciona cu NO ta permiti pa bin cu slof, tank tops of ta mal bisti. Bo ta aplicando pa un trabou y esaki ta encera cu bo mester bisti apropia.
Locual mester haci ta simpletemente facil. Bin personalmente pa yena e formulario pero tambe pa trece algun documento cu ta importante manera:
- 1 pasfoto,
- Copia di diploma y lista di cifranan,
- Copia di identificacion,
- Copia carchi di AZV,
- Documento di registro civil y Censo
Tambe mester corda cu mester cumpli cu algun rekesitonan manera:
- Nacionalidad Hulandes,
- Inscribi y ta biba na Aruba,
- Edad minimo 17 aña maximo 34 aña,
- Haltura corporal 1.60 meter,
- Diploma MAVO/ EPI /EPB doorstroom of ekivalente.
Despues cu bo entrega bo aplicacion, bo lo bay haci diferente prueba den fase. E pruebanan ta consisti di:
- Inteligencia;
- Idioma Hulandes;
- Deporte cu ta consisti di:
- condicion fisico;
- 50m sprint;
- prueba di Forsa: *pusk-up – plank -*hoekhang -*back extension;
- pista di obstaculo;
- landamento.
- Investigacion general riba solicitante;
- Prueba psicologico;
- Prueba medico;
- Entrevista.
Pa cualkier info por tuma contacto cu Scol di Polis E.J. Watty Vos na number na 527-3081.
Bo ta cla pa un reto nobo y sirbi bo Pais? Esaki ta bo oportunidad aplica awe!
Scroll To Top
