A intercepta lancha y cantidad di droga
July 9, 2024
Diamars pa mas o menos 3:30 marduga na e parti noord di Aruba warda costa a intercepta un lancha. A bati alarma di biaha na central di polis na unda a despacha diferente unidad di polis. N’e sitio di e sucedido a presenta departamento di Narcotica(UGC). A ristra e lancha y a bin encontra un cantidad considerabel di droga riba e lancha. A bay over na detene den totaal 4 hende homber.
Dos di e hende hombernan ta nacionalidad Colombiano y e otro dosnan ta si nacionalidad Venezolano.
A confisca e lancha pa mas investigacion.
Cuerpo Policial ta traha incansabelmente pa combati criminalidad.
Nos ta haci un apelacion na e pueblo pa si bo sa algo of a wak algo yama e tiplijn di polis cu ta 11141. Bo ta keda anonimo.
