ALTOCOMISARIO A RECORDA AGENTENAN CU A BAY NOS DILANTI
MACUARIMA, ARUBA: “Pa nos por sigui bay dilanti nos mester recorda e coleganan cu a pone e piedra den pasado pa asina awe nos por ta fuerte para” tabata palabranan di altocomisario mr. Arnhem.
Durante un ceremonia special di entregamento di decreto gubernamental a para keto un rato pa asina recorda e agentenan policial cu recientemente a bay prome cu nos.
Ta trata aki di coleganan den paz descanse Illes, Tromp, Lake, Franken y de Windt cu recientemente a bay laga nos. Altocomisario a pone enfasis cu nos mester recorda nos coleganan pa nan esfuerso, dedicacion, tempo y amor cu nan a pone cu awe Cuerpo Policial Aruba ta sigui prospera.
Nan ta keda nos famia den blauw y cada aña nos lo sigui recorda tur di nan pasobra nan y conhuntamente cu nan famia ta keda pa semper forma parti di KPA tabata expresionnan di Arnhem.
