ALTOCOMISARIO CU APRECIO Y GRATITUD
Importante ta pa balora nos coleganan
ALTOCOMISARIO CU APRECIO Y GRATITUD
MACUARIMA, ARUBA: Awemainta den un celebracion entre personal di Cuerpo Policial Aruba, altocomisario Sr. Ramon ARNHEM a gradici su mando policial pero tambe tur agentenan y personal administrativo
Ta luna di December y gradiciendo tur coleganan pa nan trabou, esfuerso y dedicacion. Altocomisario Arnhem a dicidi pa regala tur personal un regalo y un snack pa e fin di aña aki.
“Pa mi e ta hopi importante pa balora tur nos coleganan y yamanan danki pa tur locual nan ta haci pa nos comunidad dia den dia afo” Tabata palabranan di altocomisario awe.
Pa altocomisario ta un honor pa haci esaki pa tur coleganan di Cuerpo Policial Aruba. E meta principal di Sr. Arnhem ta pa trece e union den nos cuerpo. Nos ta traha hunto y nos ta traha cu otro y pa Sr. Arnhem esaki ta un regalo chikito di aprecio y gratitud cu sigur lo nifica hopi pa cada colega.
