ALTOCOMISARIO DI POLIS: CHAUFFEUR ACCIDENTE FATAL ENTREGA BO MES
MACUARIMA, ARUBA: Diadomingo marduga Aruba a conoce lamentabelmente su di 9 accidente fatal den trafico. Despues di e sosodido lamentabel na unda un victima di 35 aña ta perde su bida tragicamente. For di momemento ey a cuminsa cu investigacion conduci dor di Departamento di Trafico y ta den pleno desaroyo.
Altocomisario di Polis drs. Ramon Arnhem ta haya e acto aki INACEPTABEL. Pa Arnhem esaki ta hopi lamentabel cu e persona cu a dal e victima no a para y baha brinda yudansa na e victima pero a sigui maneha su vehiculo bay manera nada no a pasa y bandona e sitio.
Arnhem ta haci un suplica pa e chauffeur entrega su mes na un di e wardanan di polis!
Si abo ta na altura di ken a comete e crimen aki y bo ta yudando nan sconde y/of drecha e auto of bo ta haci algo pa stroba e investigacion, ABO TAMBE TA CULPABEL PA LEY!
Chauffeur pone bo mes den e sapato di e famia cu a perde nan ser keri. Nan a perde un mama y un yiu. Pone man na bo curason y bin dilanrti.
Ken cu sa algo of a wak algo yama e tiplijn di polis cu ta 11141. Nos ta garantisa cu bo ta keda anonimo!
Tambe por yama departamento di Trafico y duna informacion na number di telefon na:
597-5190
597-5194
597-5190
Scroll To Top
