APRECIO Y GRATITUD PA PERSONAL DI MANTENCION DI KPA
MACUARIMA, ARUBA: Recientemente Altocomisario di Polis drs. Ramon Arnhem a haci un encuentro special cu e trahadornan di mantencion di Cuerpo Policial Aruba.
E personalnan aki ta fundamental pa nos organisacion policial. Nan ta personal cu ta encarga pa mantene nos facilidadnan limpi y organisa tur locual ta necesario pa e wardanan policial por funciona debidamente.
“Kisas ta algo cu hopi hende no ta mira ta normal of importante pero e personal aki merece tur aprecio y gratitud pa nan trabou
cunan ta haci. Nos mester baloranan pasobra nan tambe merece pa e trabou fantastico y esfuerso cu nan ta haci” tabata palabra di altocomisario Arnhem.
Pa e motibo aki a haci un encuentro di sorpresa pa nan y bisanan danki cu un bon almuerzo y un bon ambiente combersando hunto y cera conoci cu otro mas miho ainda.
Hunto nos por haci un diferencia y hisa e calidad na momento cu nos aprecia nos personal di nos organisacion Policial
