ARUBA TA CONOCE E DI 9 MORTO DEN TRAFICO
Diabierna anochi pa 07:11 central di polis ta wordo notifica di un accidente grave na altura di Citgo Savaneta.
Un auto mester a alcansa dos peaton.
Na yegada di patruya na e sitio di e sucedido, ta pidi pa ambulance cu maximo urgencia mirando e situacion di un di e victimanan.
Ambulance a presenta na e sitio y trata e prome victima cu ta un turista hende homber cu ta mustra basta grave. Ambulance a stabilice y a transporte cu maximo urgencia pa hospital.
E otro victima cu ta un señora turista tambe a ricibi basta sla y tambe a wordo transporta pa hospital un rato despues.
Specialista di trafico a yega na e sitio como tambe polis technico pa cumisa cu e investigacion.
E auto cu a alcansa e dos peaton a core bay for di e sitio“ Hit & Run”. Despues di un investigacion relampago Polis di trafico a bin topa cu e auto na un cas na Tamarijn.
E chauffeur a wordo deteni y auto a wordo confisca pa mas investigacion.
Lamentabelmente awe madruga central di polis ta wordo informa cu pa 01:00 dr Nommerman ta anuncia cu e homber turista a fayese.
Ta trata di e turista hende homber Ali BINER naci na Merca di 75 aña.
Cuerpo policial ta manda palabra di condolencia na famia di e fayecido.
Ta haci un apelacion na tur automobilista pa den e dianan aki sea mas conciente y pone atencion den trafico y baha velocidad.
——-NEDERLAND
ARUBA KENT ZIJN 9DE VERKEERSSLACHTOFFER
Vrijdagavond om 19:11 werd de politiecentrale op de hoogte gesteld van een ernstig ongeval bij Citgo Savaneta. Een auto had twee voetgangers aangereden.
Bij aankomst van de patrouille op de plaats van het incident werd dringend een ambulance gevraagd gezien de ernst van de situatie bij een van de slachtoffers.
De ambulance kwam ter plaatse en behandelde de eerste slachtoffer, een mannelijke toerist, die er ernstig aan toe was. De ambulance stabiliseerde hem en vervoerde hem met spoed naar het ziekenhuis.
Het andere slachtoffer, een vrouwelijke toerist, had ook ernstige verwondingen en werd later naar het ziekenhuis vervoerd.
Verkeersspecialisten arriveerden op de plaats van het incident, evenals technisch rechercheurs, om met het onderzoek te beginnen.
De auto die de twee voetgangers had aangereden, was weggereden van de plaats van het ongeval, een “Hit & Run”. Na een snel onderzoek vond het verkeersteam de auto bij een huis aan Tamarijn.
De bestuurder werd gearresteerd en de auto werd in beslag genomen voor verder onderzoek.
Helaas werd vanmorgen vroeg om 01:00 uur door de ziekenhuisarts aangekondigd dat de mannelijke toerist was overleden.
Het betreft de overleden toerist Ali BNIER, geboren in de Verenigde Staten, 75 jaar oud.
Het politiekorps betuigt zijn medeleven aan de familie van de overledene.
Er wordt een oproep gedaan aan alle automobilisten om de komende dagen extra voorzichtig te zijn, aandacht te besteden aan het verkeer en de snelheid te verminderen.
Scroll To Top
