ARUBA TA CONOCE SU DI 13 MORTO DEN TRAFICO
Awe mainta pa 08.05 am, central di polis ta wordo notifica cu tin un accident frontal y cu herido na Kudawecha.
Ta despacha patruya policial, bombero y ambulance cu maximo urgencia na e sitio di acidente.
Na yega di patruya por a constata cu un homber sinta den su pickup no ta duna señal di bida.
Pa 08.55am dokter Texier ta constata morto di Adan G. URDANETA CONTRERAS, naci na Venezuela dia 7 di december 1980.
A pidi specialista di trafico como tambe polis technico na e sitio pa haci nan investigacion.
Cuerpo Policial Aruba ta manda palabra di condolencia na famia di e fayecido.
![](https://kpa.aw/wp-content/uploads/2022/12/81eb89c9-1875-4e80-8d29-be9ce6d35171-225x300.jpg)
![](https://kpa.aw/wp-content/uploads/2022/12/ab26b7c9-ec84-4633-a61b-c000dd4a2a1f-300x225.jpg)