Auto ta alcansa peaton di 87 aña y ta bandona e sitio
September 5, 2024
Diahuebs pa 8:40pm central di polis ta wordo notifica cu un auto lo mester a alcansa un peaton na Bernhardstraat na altura di Arena’s Sport Bar.
Central di Polis ta despacha un patruya di polis como tambe ta pone ambulance na altura di e sucedido.
Na yegada di e patruya ta bin encontra cu un hende homber di 87 aña riba caminda. E prome informa ta cu un auto color preto lo a alcanse y a bandona e sitio.
Ambulance a yega na e sitio y a duna e victima di 87 aña asistencia medico y a stabilise pa asina transporte cu maximo urgencia pa hospital.
Specialista di trafico a presenta na e sitio pa asina haci nan investigacion.
Cuerpo Policial ta condena conpletamente e hecho aki na unda ta alcansa un meneer di 87 aña y lage atras sin brinde yudansa.
Ta haci un apelacion na e chauffeur di e auto cu a “hit & run” pa entrega su mes door di yama central di polis na e number 100 mas lihe cu ta posibel!
Cuerpo Policial ta pidi pa e persona cu a wak algo of sa algo pa manda un whatsapp na 5975194 cu ta e linea di departamento di trafico.
Pronto recuperacion na e victima.
