Bishita di altocomisario na stichting reclassering en juegd bescherming
Hunto nos por logra hopi mas
MACUARIMA, ARUBA: Diaranson mainta Stichting Reclassering en Juegd Bescherming a haya bishita di altocomisario di Cuerpo Policial Aruba Sr. Ramon Arnhem. E bishita aki tabata pa cera conoci cu e fundacion aki pero tambe con por traha hunto cu otro.
Altocomisario Arnhem ta haya e bishita aki di balor importante cu mester continua pa fortalice un base di trabou hunto entre KPA y Stichting Reclassering en Juegd Bescherming. Dos organisacion diferente por ta complementa otro na un manera efectivo pa combati y preveni criminalidad.
“E bishita aki ta e prome pero no e ultimo” tabata palabranan di altocomisario Arnhem ken ta mira cu trahando hunto den equipo nos por logra hopi mas pa ambos organisacion tambe pa Pais Aruba.
Scroll To Top
