COMISARIO DE MEY TA DIRIGI CARNAVAL 71 PA KPA
MACUARIMA, ARUBA: Temporada di carnaval a cuminsa y cu esaki tambe Cuerpo Policial kier anuncia cu sr.Silvio de Mey cu ta commisario interino di Polis uniforma lo ta na cabes pa e periodo di Carnaval 71 pa Cuerpo Policial Aruba.
Pa hopi aña carnaval a wordo dirigi pa commisario di Polis Sra Irma Gordon, cu a sa di haci un tremendo trabao pa cu e temporadanan tras di lomba.
Altocomisario di polis sr.Ramon Arnhem ta gradici sra.Gordon pa e tremendo trabao despleha pa cu dirgimemto di carnaval durante hopi aña. Un señora cu tin un amor grandi pa carnaval y a trahe cu hopi amor y dedacion pero tambe cu pasenshi.
Awor ta duna e oportunidad pa comisario interino sr.Silvio de Mey pa tuma e batuta over y dirigi e temporada aki. Altocomisario Arnhem ta yame bon bini y tin pleno confiansa den De Mey pa loke ta e orden publico, seguridad y maneho interno pa cu temporada di carnaval nos dilanti.
