DIESDOS PERSONA A WORDO RECONOCI PA ALTOCOMISARIO DI POLIS
MACUARIMA, ARUBA: Recientemente altocomisario di Polis drs. Ramon I. Arnhem a reconoce diesdos (12) persona den Cuerpo Policial Aruba. Altocomisario hunto cu alto mando di policial a sinta hunto na mesa pa asina por escohe e coleganan policial pero tambe administrativo di Polis cu tabata di sumamente balor pa e organisacion den aña 2022.
E coleganan aki a demonstra nan prestacion y aportacionnan exepcional durante e aña 2022 den Cuerpo Policial Aruba.
“E ta di sumamente importante pa e reconocimento y aprecio pa nos personal di parti mando policial pero tambe mi persona. E 12 personan aki a haci lo maximo esfuerso y ta di un balor sumamente halto pa nan impeño pa nos organisacion.” Tabata palabranan di altocomisario di Polis cu tabata sumamente orguyoso di mira smilenan contento riba tur e caranan di e personal.
Den tur secrecia nan a wordo invita pa altocomisario di Polis pa presenta na su oficina pa asina personalmente entrega e certificado di “E polis valioso” di aña 2022.
Esaki ta e prome stap pa sigui reconoce nos mesun personal den Cuerpo Policial Aruba. E meta importante ta cu nos hendenan ta central. Nos hendenan ta dedica hopi pa e organisacion aki y sigur ta momento pa duna nan e balor cu nan merece. Masha pabien na cada un y hopi exito den futuro!
——ENGLISH VERSION
MACUARIMA, ARUBA: Recently, Chief Commissioner of The Police, Drs. Ramon I. Arnhem, recognized twelve individuals in the Aruba Police Force. The Chief Commissioner, along with senior police officials, gathered together to select those police officers and administrative staff who made significant contributions to the organization in the year 2022.
These individuals demonstrated exceptional performance and contributions throughout the year 2022 in the Aruba Police Force.
“It is of utmost importance to recognize and appreciate our personnel, including the police command staff and myself. These twelve individuals have shown great dedication and their efforts have been of immense value to our organization,” stated the Chief Commissioner. He expressed his pride in seeing the smiling faces and contentment among the personnel.
In utmost confidentiality, they were invited by the Commissioner to his office to personally receive the “Valuable Police Officer” certificate for the year 2022.
This is the first step in continuing to recognize our own personnel within the Aruba Police Force. The important goal is that our people are at the center. Our people are highly dedicated to this organization, and it is only fitting to give them the recognition they deserve. Congratulations to each and every one of them, and best of luck in the future!
Scroll To Top
