DOS PERSONA TA WORDO HAYA SIN BIDA
E caso aki ta den pleno investigacion
Diaranson despues di 6’or di mainta central di polis ta wordo notifica cu lo mester tin un auto para na Bushiribana y banda di dje lo tin hende homber abao na suela y no ta dunando señal di bida.
Pa motibo di e situacion aki ta despacha patruya di polis di biaha na e sitio di e sucedido. Na yegada di e patruya, ta constata cu enberdad tin un curpa sin bida banda di un auto .
Recherche, polis tecnico y dokter forensico ta presenta na e sitio pa cuminsa e investigacion. Alabez departamento di slachtofferhulp tambe a wordo poni na altura.
Investigacion a continua na unda na prome instante no por a identifica e curpa. Dor di esaki a bay controla na ken e auto ta pertenece. Asina a bay na e cas di e persona cu e auto ta registra y eynan a topa e curpa sin bida di un dama den e cas.
E caso ta den pleno investigacion y no por informa cu exactitud kiko por a pasa.Nos por informa cu tin dos persona cu a fayece den e caso aki.
Ta trata di e persona masculino cu yama Jorge Miguel Garcia Moreno naci 20 april 1988 (35 aña) na Venezuela.
Tambe un dama cu yama Leilia Gregoria Contreras Romero naci 01 augustus 1974 (49 aña) na Aruba.
Cuerpo Policial ta haci un apelacion na esnan cu sa algo of mira algo pa yama e tiplijn di polis cu ta 11141.
Cuerpo Policial ta manda palabra di condolencia na ambos famia di e fayecidonan.
——- english
TWO PEOPLE FOUND LIFELESS
On a morning after 6 o’clock, the police central was notified that there should be a car parked at Bushiribana, and next to it, there are two people lying on the ground, showing no signs of life.
Due to this situation, a police patrol was dispatched to the scene. Upon arrival, they confirmed that there was indeed a lifeless body next to a car. The investigation was initiated, and the forensic team, technical police, and doctor were present at the scene. The victim support department was also informed.
At first, the body could not be identified, so the police checked to whom the car belonged. They traced it to the registered owner and discovered the lifeless body of a woman in the house.
The case is under full investigation, and no accurate information can be provided at this time. We can confirm that two people have died in this case. The first person is a male named Jorge Miguel Garcia Moreno, born on April 20, 1988 (35 years old) in Venezuela. The second person is a woman named Leilia Gregoria Contreras Romero, born on August 1, 1974 (49 years old) in Aruba.
The Police Department appeals to anyone who has information or may have witnessed anything to call the police hotline at 11141.
The Police Department extends their condolences to the families of the deceased.”
Scroll To Top
