ENTRADA HUDICIAL Y 2 DETENCION PA BENDEMENTO DI DROGA.
November 27, 2022
En conexion cu un investigacion andando Project Team Drugspanden a haci entrada hudicial na un cas na Caya Sint Maarten.
A detene 1 hende homber y un hende muhe di inicialnan: D.S.R. naci na Aruba di 23 aña y su mama C.M.R. naci na Jamaica di 55 aña pa bendemento di droga.
Durante razzia a confisca un cantidad di droga (Marihuana y Cocaina).
A haci uso di team di aresto pa ehecuta e detencionan.
No ta descarta mas detencion den e caso aki.
Project Team Drugspanden a wordo asisti tambe door di diferente coleganan di recherche y K9 Unit.
Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo.
