Homber a cay for di dos piso na Malmok
December 18, 2023
Diasabra mainta pa 10:15 central di polis ta wordo informa di un caso na Malmok, na unda un persona lo a cay for di dos piso na un condominium den construcion. Patruya ta yega na e sitio como tambe ambulance. Personal di ambulance a trata e persona pero no por haci mas pe. Pa 11:50 Dr. Texier ta constata morto di e homber R.L. nacionalidad dominicano di 44 aña.
Recherche a presenta na e sitio y polis tecnico pa haci nan investigacion. Departamento di Slachtoffer Hulp tambe a yega na e sitio pa brinda sosten na e famia di e fayecido.
Cuerpo Policial ta manda palabra di condolencia na famia di fayecido.
Scroll To Top
