Homber di 22 aña tira na Betonicastraat y tin dos detencion
Diabierna pa 8:43 di anochi central di polis ta wordo notifica di un caso di tiramento. Segun e prome informe cu un homber lo mester a yega un cas na Betonicastraat cu tiro na curpa.
A despacha diferente unidad di polis na e sitio di e sucedido como tambe a avisa ambulance.
Na yega di e prome unidad policial a acumula informacion di e victima. E victima ta informa polis cu un auto color shinishi y un auto suv color preto lo a para y despues personanan a baha di e auto y a los diferente tiro riba e grupo na unda e victima tabata cu ne.
E victima a wordo alcansa pa e tiro na su curpa.
Recherche como tambe departamento technico a presenta na e sitio pa asina haci nan investigacion.
Ambulance a trata e victima y a hibe hospital pa atencion medico avansa. E victima su situacion ta stabil.
Un rato despues unidad di motorisa como tambe K-9 Unit ta topa cu un auto getz color shinishi na unda ta bay over pa stop e pa controla. E auto getz ta cuminsa core pa polis y na unda ta dal den dos auto y sigi bay direcion retonde Pos Chiquito. Unidad motorisa ta logra para e auto y na unda 4 persona masculino ta baha di e auto y hui pa polis.
Polis ta logra detene 2 sospechoso. Ta logra haya un arma di candela tambe. E auto getz ta keda confisca tambe pa mas investigacion.
Un tremendo trabao di patruyanan di polis, polis motorisa, K-9 Unit y polis di trafico.
Cuerpo Policial ta haci un apelacion pa cu e persona cu a wak algo of sa algo pa yama tiplijn di polis cu ta 11141. Nos ta garantisa cu bo ta keda Anonimo.
