KPA TA ORGUYOSO DI SIRBI Y PROTEHA FAMIA REAL
MACUARIMA, ARUBA: MACUARIMA, ARUBA: Pa Cuerpo Policial Aruba su tarea principal ta pa mantene e orden publico di Pais Aruba. Na momento cu nos a haya sa for di aña 2022 cu Famia Real lo bishita Aruba un biaha mas, nos a cuminsa prepara pa e mega evento aki.
Sigur cu hopi coordinacion, planiamento, personal y seguridad nos a sa di por a hinca un maneho detaya pa e bishita di Famia Real.
Locual tabata un desafio pa KPA cu no solamente S.M. Rey Willem Alexander y S.M. Reina Maxima lo bishita Aruba pero tambe S.M. Princes Amalia. Cu e profesionalismo di cada un colega policial y tambe di mando policial nos por a pone un agenda detaya di seguridad halto pa Famia Real.
Nos ta mira tur locual cu nos a planea y prepara a duna su fruto cu durante dos dia y mei cu Famia Real tabata na Aruba a bay sin niun incidente.
Nos a mobilisa diferente unidad manera polis uniforma, VIP Team, Mobiele Eenheid, polis di trafico, Motor unit, planologie, personal administrativo, studiantenan di scol di Polis, commando mobil, commando kamer, team di control di camera y tambe centro di coordinacion SGBO cu tabata activo pa dos dia y mei largo.
Nos ta orguyoso cu e esfuerso cu a ser duna di cada colega, a duna su fruto. Comportacion di comunidad tabata sublime. Danki na cada ciudadano pa nan bon comportacion. Cuerpo Policial ta satisfecho y por bisa maske con chiquito nos organisacion por ta, nos a sa di resalta y duna un tremendo imagen na nos Famia Real.
