KPA TA PRESENTA OPERATIVO POLICIAL 2024
MACUARIMA, ARUBA: Pa prome biaha den historia KPA lo tin un programa special henter dia ariba dia di eleccion 2024. Pa un dia importante pa Pais Aruba comunicacion y informacion ta hunga un tarea importante pa nos comunidad ta bon informa.
Asina yama Operativo Policial 2024 lo cuminsa for di oranan trempan di 6 december 2024 sigui t’e den oranan laat. E meta di e programa aki ta pa comunidad por tin un bista amplio kico nos di Cuerpo Policial Aruba ta haci for di prome , durante y despues di eleccion parlamentario 2024.
Bou di direccion di Liliana Rasmijn hefe di departamento di comunicacion di Cuerpo Policial Aruba cu lo dirigi e programa special aki cu diferente segmento como tambe coberturanan BIBO cu lo wordo haci.
Keda pendiente ariba tur nos plataformanan social manera Facebook, youtube cu nos transmision y update policial di cada momento.
Cobertura amplio y informacion oficial dor di e wowonan di polis. Nos ta invita nos comunidad pa keda pendiente dia 6 december 2024 for di oranan trempan di mainta cu nos prome boletín oficial di Operativo Policial 2024
