KUSTWACHT Y POLIS DEN ACCION RIBA LAMA
November 24, 2022
Macuarima, Santa Cruz: Diamars algo prome cu meyanochi radarkamer a detecta un boto cu a crusa den awa territorial di Aruba. E boto ta procedente di Venezuela.
Radarkamer a informa personal di Kustwacht y tambe a mobilisa helikopter di polis. Patruya di San Nicolas como tambe K-9 unit a mobilisa pa asina controla den e area riba tera.
Kustwacht a persigui e boto, unda esnan riba e boto lo mester a tira pakete den lama. E boto a wordo intercepta pa Kustwacht y a detene un total di 7 ilegal.
Helikopter di polis tambe a bay den accion pa busca e bultonan cu tabata riba lama.
Un cooperacion conhunto den cadena Hudicial ta trece resultado positivo.
Imagen cortecia di Kustwacht Caribe Hulandes
![](https://kpa.aw/wp-content/uploads/2022/11/316169405_450019613978452_8756790618018138869_n-225x300.jpg)
![](https://kpa.aw/wp-content/uploads/2022/11/316180558_450019553978458_5483686214941538571_n-225x300.jpg)