LAMENTABEL E DI 11 MORTO DEN TRAFICO
Pa 7:30 di awenochi Central di Polis ta haya un melding cu un accidente pisa a sosode riba e caminda principal di Pos Chiquito na altura di e rotonde. Central di Polis ta dirigi Polis y ambulance cu maximo urgencia na e sitio di incidente. Na yegada di e prome unidad ta mira un hende homber benta riba caminda cu no ta duna signaal di bida.
Ambulance a haci lo maximo pero lamentabelmente no por a haci nada mas. Dr. Voskuil ta constata morto di e fayecido. No por publica e informacion di e persona t’e ora ci e famia reconoce. Ta trata un caso serio di Hit and Run na unda un chauffeur lo mester a dal e cabayero aki y bandona e sitio. Tambe dos otro vehiculo tambe ta envolvi den e caso lamentabel aki. Polis di trafico bou guia di e specialistanan di trafico, altocomisario di Polis, slachtofferhulp, Polis forensico como tambe dokter forensico ta na e sitio y e investigacion ta den pleno desaroyo.
Nos ta haci un apelacion na e chauffeur di Hit and Run pa presenta na un di e warda di polis. Bo a mira kico a pasa bo por keda anonimo y duna bo informacion ariba nos tipline 11141, nos ta garantisa bo ta keda anonimo.
Cuerpo Policial Aruba ta manda un palabra di condolencia y forsa na e famia di e fayecido den e momento dificilnan aki. Nos ta manda un apelacion pa tur automobilista pa ban trankil y bay poco poco den trafico pa seguridad di un y tur como tambe ariba e ultimo luna di december
Scroll To Top
