LIDERAZGO NOBO: CUATER POLIS A WORDO PROMOVI PA INSPECTEUR DI POLIS
MACUARIMA, ARUBA: Recientemente a tuma lugar na Warda di Polis Santa Cruz entregamento di decreto gubernamental pero tambe promocion y cambio di rango pa cuater Polis den funcion di liderazgo.
E agentenan aki ta fungi como liderazgo den nos organisacion y nan experticio y conocementonan sigur por hisa e calidad di e servicio Policial.
Ta traha aki di Polisnan M. Dirks, W. Werleman, I. Matos, E. Barry cu tabata ta onder inspecteur y awor a bira inspecteur. Tur cuater tin amplio experiencia y hopi aña di servicio cu conoce nos organisacion paden y pafo. Cu introduccion di nan como liderazgo nobo pa algun departamento importante nifica un guia y cambio nobo pero tambe duna oportunidad pa nos coleganan por sigui desaroya nan mes den carera policial.
Den presencia di altocomisario di Polis drs. Ramon Arnhem como tambe Mando Policial y coleganan a haci e cambio di rango y a hiba palabranan di sosten y hopi exito den nan funcion nobo. Cuerpo Policial Aruba ta cla pa ricibi nan cu man habri pa asina traha hunto na bienestar di Pais Aruba. Alabes contento di mira hende muhe den funcion halto pa sigui guia nos Cuerpo Policial.
Masha masha pabien hopi forsa y sabiduria!
