MINISTER DI HUSTICIA HULANDES A BISHITA KPA
MACUARIMA, ARUBA: Siman pasa Minister di Husticia di Hulanda David van Weel a haci un bishita na Cuerpo Policial Aruba. E bishita a cuminsa cu un combersacion ameno entre su persona y altocomisario di Polis sr. Ramon Arnhem.
Despues Minister di Husticia y altocomisario Arnhem conhuntamente cu e delegacion a pasa bishita diferente warda di polis manera santa Cruz, San Nicolas y e Command Center na Savaneta.
Coleganan a prepara un tremendo presentacion pa Minister van Weel y su delegacion como tambe demonstracion con e sistema nobo di Operation Command Center ta opera. Ela keda impresiona pa e sistema y tecnologia avansa cu KPA tin.
E bishita a culmina na warda di Polis San Nicolas na unda altocomisario y Minister di Husticia a hunga un wega amistoso di futbol di mesa pero tambe a combersa un poco cu e personal di Polis uniforma. A scucha di e personal como tambe conoce un poco e maneho di e districto.
Cuerpo Policial ta wak bek riba un bishita di importancia pero valioso y na unda cu lo traha mas estrecho cu otro entre Aruba y Hulanda pa seguridad di cada Pais.
