PATRUYA POLICIAL FORD EVEREST Y RANGER TA CLA PA SUBI CAMINDA
MACUARIMA, ARUBA: E imagen nobo pa e siguiente etapa di Cuerpo Policial Aruba ta cla pa subi caminda. Den un celebracion ameno na e compania di auto Yrausquin a haci entrega oficial di e flota nobo pa patruya policial, departamento di trafico y polis na frontera.
Den presencia di minister di Husticia y Asuntonan Social Sr.Rocco Tjon, altocomisario di Polis drs. Ramon Arnhem, mando policial y gerencia di Yrausquin a haci e acto simbolico di en total di 34 auto policial nobo.
Di marca Isuzu algun aña atras awor KPA su patruya policial ta cla pa sigui patruya den Ford model Everest y Ranger. Un cambio grandi na e vehiculo policial pa locual ta trata e marca y modelo pero tambe tecnologia avansa usando e ultimo modelo nobo di marca “Whelen”. A haci un cambio radical for di e zwaailicht blauw y oraño pa blauw y cora. E cambio aki tabata ta pa miho visibilidad y seguridad pa e agentenan policial pero tambe pa comunidad. Tambe lo tin sonido di sirena diferente compara cu antes pa mihor sonido.
Como fuera e flota nobo aki tambe lo ricibi “Data Terminals” pa asina e agentenan por ta mihor equipa den nan patruya policial cu informacion. Di e forma aki Aruba ta dal un stap grandi locual ta tecnologia y husticia.
“Inverti den nos hendenan, tecnologia y material y crea un sentido di seguridad pa nos comunidad y nos agentennan. Cuerpo Policial Aruba ta den desaroyo positivo pa asina crea un base solido pa e futuro di KPA”. Tabata palabranan di altocomisario Arnhem hopi satisfecho cu otro logro mas pa bienestar di KPA y e seguridad di Pais Aruba.
E patruya policialnan aki lo subi riba nos carteranan cu e colornan di nos bandera blauw cu su strepinan geel cu orguyosamente nos ta carga nos bandera Aruba dushi tera.
NEDERLANDS
In een feestelijke viering, in het gezelschap van het Yrausquin-auto bedrijf, werd officieel de nieuwe vloot voor politie surveillance, verkeersafdeling en grenspolitie overhandigd.
In aanwezigheid van minister van Justitie en Sociale Zaken, de heer Rocco Tjon, Korpschef drs. Ramon Arnhem en het management team van Yrausquin vond de symbolische overhandiging plaats van in totaal 34 nieuwe politieauto’s.
Van het merk Isuzu enkele jaren geleden, nu zijn de politiepatrouilles van KPA klaar om te patrouilleren in Ford-modellen Everest en Ranger.
Er is een grote verandering in het politievoertuig, zowel wat betreft het merk en model, als het gebruik van geavanceerde technologie met het nieuwste sirene van het merk “Whelen”. Er is een radicale verandering geweest van het blauw en oranje zwaailicht naar blauw en rood. Deze verandering is bedoeld voor een betere zichtbaarheid en veiligheid voor de politieagenten, maar ook voor de gemeenschap. Ook zullen de nieuwe vloot “Data Terminals” ontvangen, zodat de agenten beter uitgerust zijn met informatie tijdens hun patrouilles. Op deze manier zet Aruba een grote stap voorwaarts op het gebied van technologie en justitie.
“We investeren in onze mensen, technologie en uitrusting om een gevoel van veiligheid te creëren voor onze gemeenschap en onze agenten. De Korps Politie Aruba is bezig met positieve ontwikkelingen om een solide basis te leggen voor de toekomst van de KPA,” waren de woorden van de Korpschef Ramon Arnhem. Hij is zeer tevreden met weer een prestatie ten behoeve van het welzijn van de KPA en de veiligheid van het land Aruba.
Deze politiepatrouilles zullen op onze straten rijden met de kleuren van onze vlag, blauw met zijn gele strepen.
