POLIS LO CONTROLA VEHICULO MAL STACION DEN CAYA DI SAN NICOLAS
MACUARIMA, ARUBA: Polisnan di San Nicolas ta planeando diferente proyecto pa hisa e seguridad di peaton pero tambe automovilista. Den e cuadro aki den prevencion y seguridad lo inicia cu e prome proyecto di controla vehiculonan di motor mal stacion den cayanan di San Nicolas cu ta treciendo peliger pa e peaton, ciclista of turista por cana trankil y admira San Nicolas.
E control lo inicia riba B. van der Veen van Zeppenfelstraat y ta cuminsa preventivamente cu dos luna di gracia na unda lo concientiza negoshi como tambe esun cu ta paranan vehiculo malo. Tambe e comerciante lo haye informacion tocante diferente sitio cu tin den vecindario cu e cliente por parkeer nan vehiculo.
Conhuntamente cu D.O.W. lo bay bin borchi nan di indicacion y informacion na unda por parkeer un vehiculo. E intencion di e borchi aki lo wordo poni den diferente idioma tanto pa e turista y local.
Mester tene na cuenta cu esaki ta control di prevencion pa asina tur peation y ciclista por usa area pa por cana trankilmente.
E sitio na unda cu por parkeer ta lo siguiente:
Parkeerplaats di Arubus, oficina di RDA, cerca di warda di Polis San Nicolas, plenchi di Santa Theresita Center como tambe cerca di Biblioteca Nacional San Nicolas.
Cuerpo Policial Aruba ta concientiza nos comunidad pa usa e areanan recomenda pa parkeer bo vehiculo.
Januari 2025 lo cuminsa parti boet.
