UNIT NARCOTICA A DETENE 3 PERSONA Y UN CANTIDAD GRANDI DI COCAINA CONFISCA
August 27, 2024
Dialuna Unit Narcotica bon atento un biaha mas ta confisca droga y haci detencion.
E biaha aki ta droga cu a wordo transporta via container.
Unit Narcotica a haci un total di 3 detencion. Ta trata di e homber di inicial G.J.M.I naci na Aruba, e muher G.M.M.I naci na Aruba y e homber J.M.I. naci na Colombia.
A confisca un suma grandi di droga cu ta cocaina.
Unit Narcotica ta keda traha incansabelmente pa keda combati e parti di droga.
Cuerpo Policial ta keda haci un apelacion na nos comunidad cu sa algo of wak algo yama e tiplijn di polis cu ta 11141. Bo ta keda anonimo.
