UNIT NARCOTICA CU DOS DETENCION, HOPI DROGA Y ARMA CANDELA CONFISCA
![](https://kpa.aw/wp-content/uploads/2023/08/beb98d3b-3631-4d35-ae8e-c1b723ef2474-1024x768.jpg)
Diasabra den oranan di atardi Unit Narcotica conhuntamente cu polis di San Nicolas a tene un accion grandi na San Nicolaas unda a haña un plantacion di marihuana y bastante pakete (kilo) di droga den e cas. Tambe a canta bingo ora cu a haña un arma di candela y bastante municion.
Unit Narcotica a detene un homber di inicial A.A.M. naci na Aruba di 32 aña y un dama inicial R.N.A. naci na Aruba di 25 aña di edad. No ta descarta cu lo por tin mas detencion.
![](https://kpa.aw/wp-content/uploads/2023/08/9b3d5724-f17f-47fe-83af-530a092763c5-1024x768.jpg)
![](https://kpa.aw/wp-content/uploads/2023/08/60167b2b-cc43-49a2-a3eb-87f7325caaa7-768x1024.jpg)
Unit Narcotica ta un unidad di Cuerpo Policial Aruba cu oficialmente a wordo lanta 1 augustus 2023. E unidad ta investiga tur loke ta bendemento di droga for di casnan, ariba caya, delivery, plataforma social y hasta area di hotelnan. Tambe e unidad ta investiga tur droga cu wordo intercepta pa Douane, US Customs na aeropuerto, door di ambtenaarnan di KIA y tambe tur droga encontra durante cualkier control policial.
Pa Cuerpo Policial Aruba por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo.
——- NEDERLANDSE TAAL
Scroll To Top