VITALIDAD: PERCURA PA UN MIHO AGENTE POLICIAL
MACUARIMA, ARUBA: Vitalidad den nos organisacion ta sumamente importante. Ta pa es motibo aki mes altocomisario di Polis drs. Ramon Arnhem a percura cu recientemente a duna diferente klas un entrenamiento di boxeo.
Esaki a tuma lugar na Scol di Polis E.J. Watty Vos na unda e studiantenan di Polis a siña, train y haci e deporte di boxing. Tambe a profundisa nan mes mas miho den e deporte aki hunto cu altocomisario Arnhem. Tambe a elabora durante e sesion e importancia di e tema aki. Boxeo ta uni un equipo pero tambe ta duna oportunidad pa fortalece e confiansa personalmente.
Tabata un dia agradabel, deportivamente y informativo cu a resulta un exito total pa e studiantenan policial. Di e forma aki ta sigui stimula e studiantenan pero tambe e oragnisacion policial pa sigui motivanan pa asina por tin un miho vitalidad pa e trabou importante di Polis!
